Bishita Posibel na Fundashon Birgen di Rosario

Apresiabel famia i/òf konosí di habitantenan di Fundashon Birgen di Rosario,

Nos ta konsiente ku e nesisidat t’ei pa famia i/òf persona di kontakto bishitá nan ser kerí mas tantu, i alabes nos grandinan tambe ke mira nan famia i nan hendenan mas tantu. Nos tabata un tiki kouteloso ku e habrimentu bèk pa bishita, pero mirando e kasonan di COVID-19 na Kòrsou ta kedando abou, nos ta bai habri mas pa bishita entrante 12 di yüli 2021.

Esaki ta sosodé de e siguiente manera:

1. E orario di bishita ta entre 10:00-15:00or, 7 dia di siman pa un durashon di 30 minüt pa kada habitante. Dor ku e lugánan pa hasi bishita ta limitá, nos ta pidi pa traha un sita delantá serka e departamentu konserní, unda e ser kerí, e hende grandi, ta biba. Nos ta pidi enkaresidamente pa yega na tempu.
2. Ta bai apuntá un lugá spesífiko riba e departamentu konserni pa por hasi bishita, e zùster/bruder na warda lo dirigí famia i/òf persona di kontakto na e lugá aki.
3. Ta supliká kada famia i/òf persona di kontakto pa ora bin di bishita pa keda huntu ku e ser kerí i na e sitio indiká. No ta permiti pa bai den e kamber di e klientenan, ni kana rònt den e lokalidat òf riba e departamentu.
4. Kuater (4) miembro di famia por bishitá e grandi na mes momento.
5. Mester laba man di forma profundo na entrada di e lokalidat promé ku hasi bishita serka e habitante. Na kada lokalidat di Fundashon Birgen di Rosario tin un kranchi ku awa i habon na entrada.
6. Mester bisti un tapaboka “mondkapje”. Un petishon ta bai pa bin ku propio tapaboka.
7. E miembro di famia i/òf persona di kontakto ku ta bishitá e grandi mester usa e oportunidat di bishita pa bai òf bin ku paña sushi/limpi di e grandi i trese e produktonan di uso (drechá di forma higiéniko) pa su hende grandi.
8. Si e miembro di famia ta sinti kebrante di salú (por ehèmpel ta tosa, tin kayente di kurpa, tin problema pa hala rosea òf tin grip), e petishon ta pa NO bin di bishita. Nos grandinan ta vulnerabel! Si konstatá ku e miembro di famia tin algun di e síntomanan menshoná, nos ta pidi pa plania un otro sita ora esaki pasa i nos ta terminá e bishita.
9. Semper e persona di kontakto di e hende grandi bibá serka nos por yama e diferente departamentunan òf lokalidatnan pa informá pa e hende grandi. Por yama pa plania un video call tambe, esaki ta wòrdu regla mas pronto ku ta posibel.

Athunto e numbernan di telefòn di e diferente lokalidatnan.
Departamentu Druifi: 515-7937
Departamentu Guyaba: 513-3710
Departamentu Mispel/Mango: 520-5063
Departamentu Tamarein: 527-9732
E resepshonista na Habaai: 517-9416
Richardushuis: 514-8648
Nos Lanterno: 540-2854

E reglanan ariba menshoná ta keda na vigor te ku próksimo aviso.

Nos ta yama di antemano masha danki pa e komprenshon i koperashon.

Atentamente,

Sra. Indra Rossen-Lucasius
Direktor