Mishon
Nos ta ofresé estadia na grandinan di e komunidat di Kòrsou ku tin mester di kuido i di e forma ei nos ta kontribuí na konservashon i mehorashon di nan kalidat di bida.
Vishon
For di un palèt di akomodashonnan semimural i intramural nos ta brinda grandinan kuido responsabel ku ta kaluroso, humano i kariñoso.
Nos ta un instituto di kuido ku un konosmentu amplio i ku hopi eksperiensia. Nos ta disponé di personal envolví i kapasitá ku ta hasi posibel pa brinda e kuido ku nos ta para p’e. Di e forma aki nos por brinda nos grandinan un diversidat i kompleksidat di kuido di un forma responsabel dirigí riba kada nesesidat di kuido.
Loke nos ta ofresé ta konsistí di kuido, enfermeria, tratamentu i guia. Nos ta enfoká na promé lugá riba e personanan ku tin mester di kuido i riba e personanan ku ta deseá di konta eventualmente riba kuido. Konstantemente nos ta buska maneranan pa hasi soño i deseonan di nos klientenan posibel. Tambe den nos maneho nos ta sòru pa nos klientenan tin direkshon riba nan propio bida i nos ta yuda mehorá e independensia di nos klientenan.
Nos alohamentunan ta organisá mas chikí posibel. E aksento den nos akomodoashonan ta sintá riba imitá e esfera agradabel manera den e situashon original na kas.
A base di palabrashonnan konkreto i kla tokante e kuido ku nos ta brinda i e gruponan di kliente pa kua nos ta traha, nos ta traha den estrecho koperashon ku otro institutonan di kuido na Kòrsou ku ta brinda enfermeria i kuido. E preferensia ta pa e koperashon aki tuma lugá for di un aliansia organisatorio bou di kua e institutonan aki ta kai. Esaki ta salí for di e punto di bista ku kombiná forsa ta brinda e mihó posibilidatnan pa por yega na bon kuido i un bon organisashon di kuido.
