Nos lokalidatnan intramural ta enserá formanan di biba pa hende grandi na diferente sitio na Kòrsou. Na promé lugá ta trata di alohamentu pa hende grandi ku un indikashon sosial i hende grandi ku nesesidat di kuido di durashon largu, intensivo i/òf kompleho. Pa mayoria di e klientenan akí ta konta ku nan a pèrdè kaba un parti konsiderabel di kontròl riba nan propio bida. Banda di esaki nos ta ofresé lokalidat pa permanensia di durashon kòrtiku pa kuido temporal.
Nos formanan di bibienda ta konsistí di sekshonnan ku 20 pa 30 kliente na Huize Welgelegen i entre 60 pa 70 kliente na Richardushuis i Nos Lanterno. E kapisidat di Klooster Alverna ta 14 kliente. Intenshon ta pa poko poko baha kantidat di e fasilidatnan di bibienda na eskala grandi. E asento den nos lokalidatnan di bibienda ta pa mas tantu posibel imitá e ambiente (dushi) di e situashon di biba original, ta yama esaki tambe kuido dirigí riba eksperensia.
Finansiamentu di e kuido ta sosodé dor di Ministerio di Desaroyo Sosial, Labor i Bienestar pa hende grandi ku un indikashon sosial i pa Banko di Seguro Sosial pa kliente ku derecho riba AVBZ, pa medio di kontrato di kuido. Banda di esei e fundashon ta ofresé kuido i yudansa na klientenan privá.
Fundashon Birgen di Rosario ta maneha kuater lokalidat di bibienda: Richardushuis, Nos Lanterno, Huize Welgelegen i Klooster Alverna. Banda di e tres lokalidatnan, Fundashon Birgen di Rosario ta disponé di 18 bibienda independiente, ku ta keda pegá ku Huize Welgelegen. Grandinan for di 60 aña por biba independientemente i si ta deseá, partisipá na aktividatnan sosial ku e fundashon ta organisá.
