Inskribí

E departamentu di Trabou Sosial ta e punto sentral pa inskribí pa tur servisio di Fundashon Birgen di Rosario. E trahadónan sosial ta responsabel pa dunamentu di informashon na kliente i nan famia. Ademas e departamentu aki ta sòru pa e investigashon preliminar pa determiná kon e situashon di kas ta i kiko e nesesidat ta. Despues di un kòmbersashon di intake ku e kliente i/òf famia, ta planeá un sita den kas di e kliente i e trahadó sosial ta chèk kiko e skor di ADL (Algemene Dagelijkse Levensverrichtingen) ta.

Fundashon Birgen di Rosario por ofresé kuido i aktividat na klientenan ku un skor di ADL di 6 i mas haltu. Den kaso ku e kliente ta risibí A.O.V., ‘Kas di Bario’ di Ministerio di Desaroyo Sosial, Labor i Bienestar tin ku aprobá e petishon promé. E departamentu di Trabou Sosial tambe ta responsabel pa mónitòr habitantenan di e fundashon. Den kaso ku e skor di ADL di un kliente aktual baha, e Servisio Médiko ta dirigí un petishon na Banko di Seguro Sosial, ku mester evaluá si por kompensá e kuido di e kliente ku a oumentá.

Si un kliente ke inskribí pa kuido pa hende grandi intramural òf semimural òf un bibienda independiente, e por tuma kontakto sin kompromiso ku e departamentu di Trabou Sosial.

Telefòn:

+5999 462 3121 òf 8433121

Señora Astrid Jardinier, ekstenshon 2141

Señora Minusca Comenencia, ekstenshon 2142

Señora Gislene Atimadora, ekstenshon 2105