Ademas tin personal diplomá presente, ku ta responsabel pa kuido di kada kliente. E personal di kuido ta komuniká regularmente ku famia i e atministrashon general tokante kuido di e kliente.
Ta ofresé kuido, informashon i guia na klientenan i nan famia tokante diagnósis di malesa, manera entre otro preshon haltu i diabétis. Diariamente e personal ta sòru pa kuminda saludabel i balansá, medikashon (di doló) i tratamentu di herida. Ademas ta kontrolá peso, preshon di pòls i di sanger di klientenan ún biaha pa luna. Den kaso di emergensia, ta konsultá e spesialista pa hende grandi.
Dependé deseo i nesesidat di e kliente, ta posibel pa bishitá Pasadia Mi Amparo for di 7 or di mainta te mitar di 6 di atardi. Klientenan por skohe tambe pa bishitá Pasadia Richardushuis di 7 or di mainta pa 6 or di atardi.
