Pasadia Mi Amparo a habri su portanan promé di òktober 1982 den e edifisio di Huize Welgelegen. Pasadia Mi Amparo a kuminsá ku organisashon di aktividat pa 5 hende grandi, pero den un periodo kòrtiku e demanda pa esaki a krese enormemente, ku a pone ku e sentro di pasatempu diario akí tabata obligá pa muda promé di òktober 1987 pa e edifisio di e Theresiaschool di ántes. Na e momentu akí Pasadia Mi Amparo tin un kapasidat di 70 hende grandi pa dia.
E kas Richardushuis tambe ta ofresé pasadia pa grandinan. Pasadia Mi Amparo i Pasadia Richardushuis ta adekuá pa hende grandi for di 60 aña, ku pa motibu di sirkunstansia den dia ta nan so na kas òf tin nesesidat pa kuido i aktividat. For di promé di febrüari 2012, Pasadia Mi Amparo ta disponé tambe di un departamentu sikogeriátriko, yamá Elsio Felisia.
Meta di e pasadia ta dunamentu di asistensia paramédiko, konseho, guia, aktividat i kuido pa klientenan di 60 aña i mas bieu durante oranan di dia. Pasadia Mi Amparo i Richardushuis ta purba saka grandinan for di nan isolashon i asina mantené nan salú stabil. Di e manera aki e hende grandi ta keda biba mas tantu posibel den su mes ambiente.
