Riba e tereno na Weg naar Welgelegen 64 tin un hòfi, yamá Hòfi Wayaká. E ta un sitio di enkuentro pa plaser i rekreo di nos grandinan. Den e hòfi ta organisá evento spesial, manera Dia di Tata i di Mama òf aktividat kultural òf grandinan por djis bai aya pa gosa di naturalesa.
Hòfi Wayaká tambe ta disponibel pa tur hende organisá fiesta i otro evento den un ambiente di naturalesa. E hòfi ta disponé di banki pa sinta, tualèt, un kushina i bar. Ademas tin sufisiente posibilidat riba e tereno pa stashoná outo.
